97.0 IRRATI LIBREA, BILBON IRRATI LIBRE BERRIA SORTZEKO PROIEKTUA

97.0 IRRATI LIBREA, BILBON IRRATI LIBRE BERRIA SORTZEKO PROIEKTUA

Iragan den irailaren 1ean Tas Tas Irrati Libreak ateak itxi zituen, 21 urtez emititzen egon eta gero.

Irailaren 30az geroztik, Gasteizko Hala Bedi Irrati Librea emititzen ari da Tas Tasen frekuentzia beretik —FMko 97.0a—. Hain zuzen ere, Tas Tasek eta Hala Bedik hainbat urte eman dituzte hainbat programa konpartitzen.

Hala Bedik bere gain hartu ditu emisioak dakartzan gastuak, harik eta 2014ko otsailera arte. Neurri honi esker, inongo merkataritza-emisorak ezin izango du 97.0 frekuentzia okupatu eta, aldi berean, Bilbon Tas Tas ordezkatuko duen irrati libreko proiektu berria finkatzeko astia egongo da.

Horren haritik, Bilboaldean lanean ari diren hainbat gizarte-kolektibori lotutako jendeak eta Tas Tas Irrati Libreko kide ohi batzuek «Bizkaian Hala Bediren emisioari laguntzeko taldea» osatu dute. Bere helburua proiektuari atxikiko zaizkion eta hilean 10 euro emango dioten 100 lagunetik gora lortzea da.

Talde sustatzaile hau ostegunetan elkartzen ari da, Zirikaren lokalean (Erronda kalea 12, Bilboko Alde Zaharrean), arratsaldeko zazpietan. Jakina, proiektuan interesatuta dagoen pertsona ororentzat irekita dago.

Taldearekin harremanetan jartzeko, pertsona hauengana jo dezakezu:

97puntocero@gmail.com